9.8 C
Skopje

Një i mbijetuar arriti të shpëtojë gjashtë persona, por jo edhe djalin e tij (VIDEO)

Njëri nga të mbijetuarit në aksidentin e djeshëm është edhe Orhan Aliti. Ai së bashku me Lulzim Sulejmanin nga Presheva kanë thyer një xham në pjesën e pasme të autobusit dhe kanë ndihmuar gjashtë personat të tjerë që të shpëtojnë jetën, shkruan BBC, transmeton gazeta.mk.

Menjëherë pas aksidentit të kobshëm, Orhani ka marr në telefon bashkëshorten e tij, e cila jeton në Belgjikë.

Pikërisht Aliti ka lajmëruar autoritetet bullgare se autobusi ka marrë flakë, ndërsa me shumë vështirësi ai ka arritur t’i thyejë disa xhama të pasmë të autobusit dhe të dalë, ka thënë vëllai i tij Samet Aliti.

Pasi u hodh nga xhami i autobusit, Orhani theu njërën këmbë. Djali i tij Visari ishte ende në autobus. Ai filloi të bërtasë e t’i thotë djalit të tij: “Hidhu kërce në tokë Visar, kërce”. Fatkeqësisht, ai nuk mori përgjigje nga djali i tij, ai u zhduk në flakët që kapluan autobusin.

Gjendja e Orhanit tashmë është stabile. Ai ende nuk e di se në mesin e viktimave është edhe djali i tij Visari, thotë vëllai i tij.

Historia e Orhanit nxjerr në pah edhe një detaj tjetër – në momentin që ka zbritur nga autobusi që digjej, për pak është kapur nga një makinë që kalonte në autostradë, e cila nuk ndaloi pavarësisht tragjedisë së dukshme që po ndodhte në ato momente.

Tragjedisë i ka shpëtuar edhe 16-vjeçarja Zulejha. Babai i saj, Adnan Jasharovski, tha për BBC se vajza e tij i kishte telefonuar për t’i thënë se i kishte mbijetuar aksidentit fatal. Ai tani ndodhet në Sofje për të qëndruar afër vajzës së tij në spital.

Ajo po qante. Ka pësuar djegie vetëm në duart e saj, por megjithatë është mirë. Ajo nuk tha shumë, qante dhe ishte në shok, tha babai i saj që po qëndronte para në spitalit të Sofjes.

Burimi: BBC

VIDEON mund ta shikoni në këtë LINK

TË FUNDIT

Ali Ahmeti: Përgjithmonë në zemrat tona miku jonë i madh (Foto)

Ka ndërruar jetë veterani i luftës së dytë botërore, Senatori Bob Dole. Kryetari i Bashkimit Demokratik për Integrim, Ali Ahmeti ka shkruar në Facebook...

AlternAtivA: Kuvendi Qendror i Alternativës vendosi që partia t’i bashkohet qeverisë

Sonte u mbajt mbledhja Kuvendit Qendror të Alternativës. Para fillimit të mbledhjes, kryetari Afrim Gashi edhe një herë i kujtoi 45 viktimat e tragjedisë...

Grubi: I paharruar përjetë kujtimi për bashkëqytetarët tanë

Zëvendëskryeministri i parë dhe ministër për Sistem politik dha marrëdhënie ndërmjet bashkësive, Artan Grubi, sot ka qenë i pranishëm për t'i dhënë lamtumirën e...

Ali Ahmeti: Bashkëqytetarët tanë i përcollëm me nderime të larta shtetërore

Kryetari i Bashkimit Demokratik për Integrim, Ali Ahmeti, ishte sot i pranishëm në aeroportin e Shkupit për t'iu dhënë lamtumirën e fundit bashkëqytetarëve të...

Zanetti: Ai meriton gjithçka

Zëvendës presidenti i Interit, Javier Zanetti, në intervistën e tij për ESPN , foli edhe për momentin kur Messi u afrua fuqishëm nga Nerazzurrët. “Jam...