9.8 C
Skopje

Presidenti i Kroacisë: Vuçiqi ishte një nga nxitësit më të spikatur të luftës në vitet ’90

Presidenti i Kroacisë, Zoran Milanoviç ka thënë në Nju Jork se çështja më e rëndësishme për Kroacinë është ajo që do të ndodhë me Bashkimin Evropian në 10 vitet e ardhshme dhe se suksesi i anëtarësimit kroat në të matet vetëm duke tërhequr para nga fondet evropiane.

“BE-ja është ndoshta shoqata më komplekse politike në historinë njerëzore. Është e vështirë të menaxhohet, i mungon legjitimiteti politik sepse drejtohet kryesisht nga burokratët. Për vendin tim, pyetja se çfarë do të ndodhë me BE-në në 10 vitet e ardhshme është me rëndësi të madhe”, citohet të ketë thënë Milanoviç në Universitetin Columbia, shkruan Index.hr, përcjell Telegrafi.

Presidenti kroat mendon se Kroacisë i është dashur të presë “gjatë” për anëtarësimin në BE dhe se suksesi i Kroacisë në Bashkim do të matet vetëm duke tërhequr para nga fondet evropiane.

Evropa Juglindore aspiron anëtarësimin në BE, por presidenti kroat nuk mendon se të gjitha vendet janë mjaft të motivuara për t’u bashkuar me Bashkimin.

Madje, duke folur për Serbinë, Milanoviç tha se “gjëja më e vështirë” ishte se presidenti serb Aleksandar Vuçiq “ishte një nga nxitësit më të spikatur të luftës të viteve 1990” dhe e konsideroi atë një pengesë.

Negociatat e pranimit të Serbisë filluan në vitin 2014, deri më tani ajo ka hapur 18 kapituj dhe ka mbyllur përkohësisht dy.

Dhe Milanoviç beson se Serbia “nuk ka një qëllim të fortë” për t’u bashkuar me BE-në, ndërsa Maqedonia e Veriut dhe Shqipëria “po punojnë shumë”.

Mali i Zi është më afër anëtarësimit në BE ndërsa Maqedonia e Veriut mori statusin e kandidatit për BE në vitin 2005, një vit e gjysmë pas Kroacisë, dhe Kroacia ka qenë anëtare e BE-së për tetë vjet./eo

TË FUNDIT

Ali Ahmeti: Përgjithmonë në zemrat tona miku jonë i madh (Foto)

Ka ndërruar jetë veterani i luftës së dytë botërore, Senatori Bob Dole. Kryetari i Bashkimit Demokratik për Integrim, Ali Ahmeti ka shkruar në Facebook...

AlternAtivA: Kuvendi Qendror i Alternativës vendosi që partia t’i bashkohet qeverisë

Sonte u mbajt mbledhja Kuvendit Qendror të Alternativës. Para fillimit të mbledhjes, kryetari Afrim Gashi edhe një herë i kujtoi 45 viktimat e tragjedisë...

Grubi: I paharruar përjetë kujtimi për bashkëqytetarët tanë

Zëvendëskryeministri i parë dhe ministër për Sistem politik dha marrëdhënie ndërmjet bashkësive, Artan Grubi, sot ka qenë i pranishëm për t'i dhënë lamtumirën e...

Ali Ahmeti: Bashkëqytetarët tanë i përcollëm me nderime të larta shtetërore

Kryetari i Bashkimit Demokratik për Integrim, Ali Ahmeti, ishte sot i pranishëm në aeroportin e Shkupit për t'iu dhënë lamtumirën e fundit bashkëqytetarëve të...

Zanetti: Ai meriton gjithçka

Zëvendës presidenti i Interit, Javier Zanetti, në intervistën e tij për ESPN , foli edhe për momentin kur Messi u afrua fuqishëm nga Nerazzurrët. “Jam...