30.8 C
Skopje

Претседателот на Туркменистан одлучи да ја предаде власта… на син му

Вон сите очекувања, на неколку дена пред 15-годишницата на власт, претседателот Гурбангули Бердимухамедов објави вонредни претседателски избори во Туркменистан на кои ќе се кандидира син му.

Порачувајќи дека е време младите во земјата да ја преземат власта и да го водат Туркменистан, 64-годишниот претседател побара, а горниот дом на туркменистанскиот парламент со стоечка овација му одобри, предвремени претседателски избори.

Седницата беше на свикана на 11 февруари на три дена пред неговото доаѓање на власт во земјата пред 15 години. Три дена подоцна, на 14-ти, Сердар Бердимухамедов, објави дека има намера да се кандидира на претседателските избори.

Татко му, Бердимухамедов постариот, претходните 3 претседателски избори ги доби со 89,07% од гласовите (2007), 97% (2012) и 97,69% (2017).

Симболиката на 11 февруари е што тогаш беше годишнината откако Сердар беше именуван за прв човек на Врховната комора, член на државниот Совет за безбедност и заменик премиер. Неколку месеци претходно, во септември, Сердар наполни 40 години, минимумот потребен за кандидирање за претседател во Туркменистан.

Седницата на која беа објавени изборите беше свикана на тема „Туркменистан во следните 30 години“. Иако никогаш не спомена дека целосно ќе се повлече од власта, дури и кога зборува за „отворање на патот за младите лидери“, неговата партија за претседателските избори го номинираше Сердар. Технички Бердимухамедов од 2013 не е член на Демократската партија, меѓутоа таа го кандидира на секои избори. Во април минатата година Гурбангули едногласно беше избран и за претседател на Горниот дом на Парламентот (Халк Маслахатја).

Туркменистан официјално има уште две регистрирани партии: Партијата на индустријалци и претприемачи; и Земјоделската партија.

Во извештајот на Фридом Хаус од 2021, Туркменистан имаше резултат 2 од нула до 100. Кај „политички права“ имаше нула.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...