30.8 C
Skopje

Од септември учениците ќе можат електронски да се запишуваат во средните училишта

Министерството за образование и наука (МОН) има за цел од септември годинава деветоодделенците да можат по електронски пат да се запишат во средно училиште во земјава. Ова ќе се овозможи со дигиталната услуга „Електронски уписи на ученици во средни училишта“.

За ова денеска информираше министерот за образование и наука Јетон Шаќири на презентацијата на новата услуга што се реализира во рамки на проектот „Дигитализација на услуги во образовниот сектор“, поддржан од Владата на Обединетото Кралство преку Британската амбасада во Скопје.

Инаку, електронскиот упис на учениците во средните училишта ќе уследи откако во септември лани беше имплементирана можноста првачињата да се запишат во основно училиште со користење на електронска пријава за запишување.

Со овозможувањето на е-услуги, како министерство испорачуваме вредност на корисниците, рече министерот Шаќири, додавајќи дека родителите и децата, како корисници на образовните услуги, освен за пријавување за упис во основно и средно образование, можат електронски да аплицираат и на конкурси за стипендии, за нострификации на дипломи и за сместување во ученички и студентски домови.

Исто така, воведена е можност за електронско информирање на родителите односно старателите на учениците за успехот, поведението и состојбата на нивните деца на училиште, додаде министерот Шаќири.

Проектот за дигитализација на услугите во образовниот сектор го имплементира Центарот за управување со промени.

„Заедно со нив, ќе биде реализирана и обуката на директорите на средните училишта, на кои, ќе им биде претставен начинот на работа на новата електронска услуга како и придобивките од истата. Успешната реализација на обуките ќе значи успешна практична реализација на новата е-услуга“, посочи Шаќири.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...