15.8 C
Skopje

НСДП бара наследник на Тито, Мисовски размислува

Откако претседателот на НСДП, Тито Петковски најави дека ќе се повлече од лидерската позиција, партија се подготвува за избор на негов наследник.

Постапката за кандидирање и избор на делегати за Петтиот конгрес на НСДП е почната и треба да заврши на шестти мај.
До тогаш треба да се пријават и кандидати за претседател на НСДП и кандидати за членови на централниот и надзорниот одбор на НСДП од страна на изборните конференции на општинските организации.

Постапката за кандидирање за претседател на НСДП е со евидентирање на предлог кандидати во општинските организации и со самокандидирање.

Листите за можни кандидати од страна на општинските организации се доставуваат до извршниот одбор на НСДП, а извршниот одбор на НСДП предлага листа на кандидати за претедател на НСДП до централниот одбор. Централниот одбор ги утврдува предлог листите за претседател на НСДП и ги предлага на конгресот.

Еден од најсериозните кандидати за наследник на Тито Петковски е актуелниот потпретседателот на Собранието и потпретседател на НСДП, Горан Мисовски.

Тој за „Фокус“ вели дека сепак ќе почека до крај на рокот за да одлучи дали ќе се кандидира за претседател на партијата.

Иако имам огромна поддршка кај членството и во раководствата на општинските организации, сепак ќе причекам да заврши процедурата и откако ќе ги сумирам предлозите ќе одлучам дали ќе се кандидирам за претседател на НСДП, вели Мисовски.

Според Статутот на партијата, кандидати за претседател на НСДП можат да бидат лица кои:

-Се најмалку пет години членови на НСДП;
-Уживаат јавен и професионален углед и афторитет
-Ја имаат довербата на членството на НСДП;
-За пошироката јавност се препознатливи како луѓе кои дале позитивен придонес во
афирмацијата и реализацијата на политиката на НСДП;
-Со својата досегашна работа да имаат покажано евидентни позитивни резултати
препознатливи за пошироката јавност;

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...