30.8 C
Skopje

Копров за Андреа: Не му го уништувајте животот на девојчето!

Познатиот композитор Григор Копров во разговор за ,,Фокус” вели дека е изненаден од лошите коментари кои се актуелни во јавноста по повод случајот со евровизиската претставничка Андреа, која вчера го фрли македонското знаме на земја. Појаснува дека според него, иако има 22 години, таа е се уште само дете, кое во тој момент без многу размислување направило еден гест, кој во никој случај не смее да се дозволи да и го уништи животот.

-Имам син и ќерка, размислувам како родител. Андреа е само дете, кое постапило непромислено, искрено верувам без зла намера. Зошто таква омраза, зошто ја ставија веднаш на ,,клада”, зошто сите овие негативни коментари?
Сигурен сум дека и таа се кае, а јавноста мора да сфати дека со овие коментари и напади се уништува нејзиниот живот. Тоа не смее да се дозволи во никој случај! Дури и одговорните од делегацијата, ако во тој момент биле покрај неа, како ќе можеле да претпостават дека таа инстинктивно ќе го фрли знамето? Тие не се во нејзината глава, никој за никого не може да претпостави што може да направи во одреден момент.
Еве јас, личен пример од пред неколку минути, ми падна чашата со вода, се истури. Се случи, секундарно, непланирано… Враќање назад нема, но не смееме да бидеме така лоши и полни со омраза –раскажува Копров.

Тој беше композитор на песната ,,Не зори зоро” на Владо Јаневски, со која Македонија го имаше првиот настап на Евровизија во 1998 година.
Вели дека бил во Бирмингем со делегацијата, и од сопствено искуство појаснува дека не може да се има целосна контрола над сите и над сечија постапка.

-Да не дозволиме овој непромислен гест да и се одрази на Андреа, на нејзиниот живот и иднина. Да ја препишеме оваа постапка на нејзината младост, и да се обидеме да бидеме подобри луѓе, да не бидеме толку лоши – порача композиторот.

По повод настанот, од МРТ за ,,Фокус” изјавија дека ќе има официјално соопштение околу конечната одлука, дали Андреа ќе биде повлечена и нема настапи на Евровизија, или пак ќе ја претстави Македонија на втората полуфинална вечер во вторник.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...