15.8 C
Skopje

Затворањето на Инфективна предизвика наплив од пациенти во ГОБ „8 септември“

Откако скопската Инфективна клиника стави клуч на врата на две недели, а лекарите и медицинскиот персонал ги испрати на одмор, целиот товар падна на грб на Градската болница „ 8 септември“, каде се препраќаат и ковид пациените, како и пациентите со друга инфективна патологија.

Пред само неколку денови беше донесена одлука Клиниката за инфективни болести во период од две недели да направи дезинфекција на целата болница после двегодишната ковид пандемија. Сепак, тоа што е чудно во целата приказна е дека досега не се случило ниту во Македонија, ниту пак некаде во светот клиника со терцијарна дејност да биде ставена под клуч.

Без разлика дали целта на затворањето на клиниката е да се кречи и дезинфицира, во случај од септември да не дојде до нов бран на заразени ковид пациенти, сепак тоа предизвика дополнителен хаос во старата Воена болница, која за време на цела пандемија работи само со еден инфектолог, а на испомош се сите интернисти.

„Во моментот е отворена уште една инфективна амбуланта. Без разлика што бројот на заразени од опасниот вирус е намален периодов, сепак имаме доста пациенти со друга инфективна патологија. На дневно ниво имаме околу 60 пациенти, а за викендот имаше 30. Не можеме да постигнеме со работа“, велат во изјава за „Фокус“, од болницата.

Според нашите информации, сите овие пациенти од цела држава во моментот се слеваат во ГОБ „ 8 септември“. Иако вчера, директорката на скопската Инфективна клиника, доктор Милена Стевановиќ во изјава за “Фокус“ истакна дека ако има болницата потреба од лекари и медицински персонал ќе одат во испомош, сепак тоа досега не се случило.

„Лекарите и медицинскиот персонал до 3 мај ќе бидат на одмор, да одморат и психички по се што преживеавме за овие две години. Мораме да бидеме спремни за спетмеври. Не знаеме што може да се случи. Дај боже да остане како сега“, тврдеше вчера директорката Стевановиќ.

Сепак, никој не дава одговор на прашањето – како може клиника со терцијарна дејност да биде целосно затворена?

Тоа што беше уште поконтроверзно за време на пандемијата, е тоа што Инфективната клиника не ставаше пациенти на респиратор сметајќи дека на тој начин не можат да им помогнат да се спасат, иако апаратите за дишење претставуваат последна шанса за спас.

За разлика од кај нив, во старата Воена болница околу 300 пациенти со сатурација под 60 биле тргнати од респиратор.

Корона кризата во моментот спласнува и се повеќе се намалува бројот на заразени и починати пациенти.

досега во земјата се направени вкупно 1.997.169 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 308.620, бројот на оздравени пациенти е 298.532, на починати е 9.262, а бројот на активни случаи изнесува 826.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...