30.8 C
Skopje

Едно од сценаријата е полските Миг-29 да бидат премачкани во базата Рамштајн на САД и преку Косово да летнат во Украина

Полска вчера соопшти дека ќе им ги подари своите воени ловци Миг-29 на САД, кои пак, треба да најдат начин како да и ги проследат на Украина, а како посредник се споменува и Косово, објави Дојче Веле.

Полска соопшти дека е подготвена да ги префрли 28-те авиони во американската воена база Рамштајн во Германија, а потоа Вашингтон да реши како ќе ги достави до Украина. Претставници на САД во првичната реакција велат дека се изненадени од соопштението на Варшава.

– Колку што знам, не беше договорено со нас дека планот е нам да ни ги дадат авионите, изјави американскиот државен подсекретар Викторија Нуланд.

Според информациите, Полска побарала од САД за возврат да добие авиони од типот Ф-16. Русија веќе предупреди дека поддршката за Украина со воени авиони ќе биде сметано за учество во конфликтот и подложно на одмазднички чекори.

Целата зделка е комплицирана затоа што ни НАТО, ниту ЕУ не сакаат да бидат директно инволвирани во трансакцијата која значително ќе ги зголеми тензиите со Русија. Ни САД не сакаат директно да и ги достават авионите на Украина.

За да се одржи претставата дека НАТО и ЕУ не се директно вмешани во украинскиот конфликт, се разгледуваат повеќе опции. Според едно сценарио, Полска ќе ги однесе авионите во базата Рамштајн, каде тие треба да бидат премачкани, а потоа пренесени во земја која не е членка ниту на НАТО, ниту на ЕУ. Иако засега не е дефинитивно договорен таков посредник, како можна опција се споменува Косово, како една од неколкуте земји кои би можеле да ја одиграат улогата, тврди агенцијата Асошиејтед прес.

Властите во Приштина досега не ја коментираа оваа можност, но премиерот Албин Курти во интервју за Франс прес повика на забрзан прием на неговата земја во ЕУ и НАТО и оцени дека неговата земја е под зголемен ризик од Русија. Косовскиот министер за одбрана Арменд Мехај минатата недела побара САД да отворат постојана воена база во неговата земја „како гаранција за мирот и безбедноста на Западниот Балкан“.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...