15.8 C
Skopje

Грчко МНР: Неприфатливи се изјавите на портпаролката на руското МНР

Неприфатливи ги карактеризираше портпаролот на грчкото МНР Александрос Папајоану, изјавите на портпаролката на Министерството за надворешни работи на Русија Марија Захарова, која говореше за „антируска информативна кампања во Грција“, став кој на социјалните мрежи го сподели руската амбасада во Грција.

Портпаролот на Министерството за надворешни работи на Грција во одговор на новинарско прашање во врска со изјавата на портпаролката на руското МНР рече дека грчката надворешна политика се базира на целосното почитување на меѓународното право, а „главната грижа на Грција е прикажување на вистината, врз основа на потврдени и неспорни податоци“.

Додаде дека е за осуда секој обид, од каде и да доаѓа „за ширење лажни вести и дезинформации, чија цел е да се дезориентира јавното мислење“.

-Неодамнешните изјави на портпаролката на руското Министерство за надворешни работи, како и постовите на руската амбасада во Атина, за жал се неприфатливи и не се во согласност со дипломатската практика, како и со историските врски што ги обединуваат народите на Грција и Русија. Грција би сакала да се задржат историските односи, а однесувањето на Русија да се движи во оваа насока, вели Папајоану во писмената изјава.

Според она што од руската амбасада во Грција го објавија на социјалните мрежи, портпаролката на Министерството за надворешни работи на Русија Марија Захарова рекла дека „во Грција се шири досега невидена кампања за оцрнување на политиката на Русија“и додала дека функционери во Атина ја обвинуваат Русија и „лицемерно зборуваат за „неиспровоциран напад“ против Украина, првпат по Втората светска војна, „масовна инвазија“ итн“.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...