15.8 C
Skopje

Бучковски и Георгиевски во среда одат во Софија на дебата за Гоце Делчев

Поранешните премиери Љубчо Георгиевски и Владо Бучковски се поканети во среда, на 4 мај, во Националната палата на културата (НПК) во Софија каде под покровителство на бугарскиот претседател румен радев ќе се одржи конференцијата „Европска перспектива за добрососедски односи меѓу Република Бугарија и Република С Македонија“.

Трибината организирана од Институтот за историски истражувања при Бугарската академија на науките и Македонскиот научен институт во спомен на Гоце Делчев ќе се одржи на денот од 119-годишнината од смртта на македонскиот револуционерен деец.

Георгиевски и Бучковски беа олеснувачи во македонско-бугарскиот спор за време додека Зоран Заев беше премиер, а вториот беше и официјално назначен за специјален претставник. Во Софија од македонска страна се поканети новинари, историчари и политиколози.

На конференцијата ќе учествува и потпретседателката на Бугарија, Илијана Јотова, Ангел Димитров, копретседавачот на бугарско-македонската комисија за историски прашања, а од „Центарот за култура“ „Иван Михаилов -Битола“ претставник ќе биде Георги Црномаров.

Откако Радев ќе го отвори форумот, ќе се одржи трибина на тема „Гоце Делчев и општата историја на Република Бугарија и Република Македонија – меѓу фактите и идеологија“.

Ќе се дебатира и на теми како „Состојба и перспективи за добрососедски односи: европска зрелост на PCM“ и „100 години организирано движење на македонските Бугари во светот. ”

Форумот ќе се пренесува во живо и на БНТ и на Фејсбук страницата на Радев.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...