30.8 C
Skopje

Андоновиќ: Протести во Подгорица против обидите за уривање на владата на Кривокапиќ – малцинска влада или вонредни избори?

Во Подгорица и синоќа се одржаа протести против најавата за гласање недоверба на актуелната влада и евентуалното формирање малцинска влада. На протестот присуствуваа и неколку министри во владата.

Во Црна Гора, единаесет дена по ред, протестираат приврзаниците на партиите на Србите во Црна Гора кои по минатогодишните парламентарни избори го поддржаа мандатарот Здравко Кривокапиќ и успеаја да го урнат неколкудецениското владеење на ДПС на актуелниот претседател Мило Ѓукановиќ.

Коалиционата влада на Кривокапиќ во моментов се соочува со обид на неколку помали партии во владината коалиција предводена од потпретседателот Дритан Абазовиќ да издејствува оставка и формирање малцинска влада чиј мандатар би бил токму Абазовиќ. Како образложение за распуштање на владиниот кабинет на Кривокапиќ е неговата немоќ да воспостави подобра соработка и функционирање на релација законодавна и извршна власт. Поради овој став, Кривокапиќ го разреши Абазовиќ од неколку функции и побара негова оставка од вицепремиерското место, што беше и главната причина за политичката криза во Црна Гора.

Од друга страна, приврзаниците на Кривокапиќ сметаат дека Абазовиќ сака преку малцинската влада да ја врати на власт ДПС на Мило Ѓукановиќ без притоа, како што велат, за тоа да дадат поддршка црногорските граѓани. И самиот црногорски претседател Ѓукановиќ изјави дека во четврток црногорското собрание ќе изгласа недоверба на владата на Кривокапиќ и, како што изјави, Кривокапиќ ќе биде ставен во политичко минато.

Партијата на Србите во Црна Гора и поддржувачи на Кривокапиќ бараат останување на актуелната влада или вонредни избори.

НАЈНОВИ ВЕСТИ

Во случај на договор со Бугарија, Франција ќе организира прва меѓувладина седница на Северна Македонија и ЕУ

Француското Министерство за надворешни работи и Европа се огласи по средбата на шефот на француската дипломатија Жан-Ив Ле Дриан со неговиот колега од Северна...

Средба на министерот Шаќири со романската амбасадорка Адела Моника Аксинте

Министерот за образование и наука Јетон Шаќири денеска имаше средба со амбасадорката на Романија Адела Моника Аксинте, на која разговарале за унапредување и интензивирање...

Ѓоргиев: Сегашниот пристап од Софија води кон консолидирање на наративите на Тодор Живков

Заедничката македонско-бугарска комисија за историски и образовни прашања денеска продолжува со својата работа, но во една крајно влошена атмосфера по отворањето на Бугарскиот клуб...

Зошто и како странци купуваат недвижности во офшор земји како Дубаи?

Во овие финансиски или даночни раеви инвеститорите се ослободени од даноци и немаат никаква законска обврска да го докажуваат потеклото на своите пари пред...

Превирања во НСДП: Битка за наследник на Тито

Има судир, но не и раскол во НСДП, вели за Фокус се уште актуелниот партиски претседател во заминување Тито Петковски, откако два табори влегоа...